2010, മേയ് 29, ശനിയാഴ്‌ച

പെണ്ണുങ്ങളുടെ മാന്ത്രികോത്സവം

മെയ്‌ 29 ന്‌ സെക്രട്ടറിയേറ്റിനു മുൻപിൽ കൂടി യാത്ര ചെയ്യുന്നവർ ഒന്നു സൂക്ഷിക്കുന്നത്‌ നല്ലതായിരിക്കും.മൂന്നു പെണ്ണുങ്ങള്‍ അന്ന് കണ്ണു മൂടിക്കെട്ടി അതുവഴി മോട്ടോർ സൈക്കിൾ ഓടിക്കും.കേരളത്തിൽ നിന്നുള്ള അമ്മു, കർണ്ണാടകത്തിൽ നിന്നുള്ള ഇന്ദുശ്രീ, മഹാരാഷ്ട്രയിൽ നിന്നുള്ള പേൾ ബുംഗാര എന്നീ വനിതകൾ ഈ സാഹസത്തിനൊരുങ്ങുന്നത്‌ മേയ്‌ 30 ന്‌ തിരുവനന്തപുരത്തു നടക്കാൻ പോകുന്ന ലോകത്തെ ആദ്യ വനിതാ മാജിക്‌ ഫെസ്റ്റിവലിന്‌ മുന്നോടിയായാണ്‌.




മായ 2010 എന്നു പേരിട്ടിരിക്കുന്ന ഈ പെൺമാന്ത്രികോത്സവം സംഘടിപ്പിക്കുന്നത്‌ ശ്രീ ഗോപിനാഥ്‌ മുതുകാടിന്റെ കേരളാ മാജിക്‌ അക്കാഡമിയും കേരള സംസ്ഥാന വനിതാ വികസന കോർപറേഷനും ചേർന്നാണ്‌.


ലോകത്തിന്റെ വിവിധ ഭാഗങ്ങളിൽ നിന്നായി 150 ഓളം പെൺ മാന്ത്രികർ പങ്കെടുത്തു മത്സരിക്കും എന്നു പ്രതീക്ഷിക്കപ്പെടുന്നു സാധാരണ മാജിക്‌ മത്സര ഇനങ്ങൾക്കു പുറമേ അടുക്കള മാജിക്‌ എന്ന ഒരു നവീന ഇനവും മത്സരത്തിൽ ഉൾപ്പെടുത്തിയിട്ടുണ്ട്‌. അടുക്കളയിലെ നിത്യോപയോഗവസ്തുക്കളും പച്ചക്കറികളും ഒക്കെ ഉപയോഗിച്ചായിരിക്കണം ഈ വിഭാഗത്തിൽ മാജിക്‌ കാണിക്കേണ്ടത്‌.


പൊതുജനങ്ങൾക്ക്‌ ഈ മത്സര വേദികളിലേക്കുള്ള പ്രവേശനം സൌജന്യമാണ്‌


എങ്കിലും മാജിക്ക്‌ കാണാൻ പോകുന്ന ആണുങ്ങൾ ഒന്നു സൂക്ഷിച്ചിരിക്കുന്നതു നല്ലതാണെന്നാണ്‌ എന്റെ വ്യക്തിപരമായ അഭിപ്രായം.

2010, മേയ് 27, വ്യാഴാഴ്‌ച

ഏകജാലകവ്യഥകള്‍.

 പരീക്ഷാ ജോലികളെപ്പറ്റി“ പരീക്ഷ” എന്നൊരു പോസ്റ്റിട്ടിരുന്നതിനൊരു അനുബന്ധം. ഏകജാലക സംവിധാനം വഴിയുള്ള പ്രവേശനത്തിനായുള്ള ഡാറ്റ എന്റ്രി നടത്താന്‍ വിധിക്കപ്പെട്ട അധ്യാപകരുടെ ദയനീയമായ വിലാപം.സമയപരിധിക്കുള്ളില്‍ ജോലി തീര്‍ക്കാനാവാത്തതിന്റെ ടെന്‍ഷനും നിസ്സഹായതയുമെല്ലാം ഇതിലുണ്ട്. മെയ് 23 തീയതി രാത്രി 11 മണിക്ക് കണ്ണൂരു നിന്നും അയച്ചതാണീ‍ മെയില്‍.
sir, 
we are on entering the datas and so tired with heavy work and the running system is very slow
and also there is a chance of chance of current failure with thunder and lightning.
Computer screen also lightened and also our eyes 
in the screen the applicants view date is extended 
so if any chance of extending last date please inform immediately.